Umlandeli Linge apho ahamba khona wenza umahluko, apho ahleli khona, udala, ulonwabo, apho agqithe khona wenza umzila wethemba, ukuzidla nokuzingca ngobunto umntu anguye. Udumo lwakhe kwisikolo afunda kuso kwaSontaba luvumbulula intiyo nengqumbo kaMacebo Mbana uChief ngokwesikhundla abekwe kuso. Intetho ethi akukho nkunzi zigquba buhlanti bunye ibonakala ngokucavileyo kwizimo zala matyendyana mabini. Umacebo ngumfo wezigalo, ubuqhophololo, nokurhubuluza ngeli xa uMlandeli exhathise ngamandla engqondo nengqiqo. 

Intonga eqingqelwa ubunookeli enguMlandeli ithubeleza yoyise amanzithinzithi angadala ingevane kwabaninzi abaziwa ngokuzithemba. Impumelelo isentabeni...